valanteno
Admin
عدد الرسائل : 213
تاريخ التسجيل : 07/06/2008
 | | موضوع: نكت تموت من الضحك السبت يونيو 07, 2008 9:44 pm | |
| دكتور عيون قاعد مع خطيبته في حديقه الاسماك معاه ورده قالها
شايفه الورده دي
يا حبيبتي قالت له ايوه فرجع ايده لورا شويه وقالها طب وكده
*************************
في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف
التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اعد يا ابني انت متعرفش حاجه في الحساب
التلميذ: انت اللي متعرفش ابويا
*********************
واحد بلدياتنا دخل الجيش ووقف حراسة على بوابة معسكر عدى عليه الشاويش
وقاله:اللواء "فريد" جه؟
قاله : ماجاش يا شاويش "محمد" وبعد ساعة رجع له الشاويش محمد وسأله اللواء "فريد" جه؟
قاله لسه ما جاش. وبعد ساعة أخرى رجع له تانى وسأله اللواء فريد" جه؟
قال له لسه ما جاش. وبعد ساعة جه اللواء "فريد"
قاله العسكرى : أنت فين الشاويش "محمد" حيخرب بيتك.
**************************
واحد عصبي اتجوز واحده عصبيه, يوم الولاده... الولد بيقول للدكتور وسع إنت .. ابعد ...أنا خأنزل لوحدي
***********************
واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تكون اسم عالم ذرة
أم التاني قله أنا غلب حماري
آم الأول قله: الدولة هي قطر ولما تحط نقطة حتكون قطز
أم التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟
***********************
"خلاص اضربه قلمين
********************
اتنين مساطيل اعدين يحششو في المقابر ومرت جنازة فواحد بيقول للتاني هي جنازة مين دي يا محمد؟ فرد علية دي جنازة الشيخ محروس فقال الاولاني لا حول ولا قوة الا بالله
وتاني يوم وهما اعدين في نفس المكان مرت جنازة فنفس الشخص سال بيقول للتاني هي جنازة مين دي يا محمد؟ فرد عليه دي جنازة الشيخ محروس فقال الاولاني لا حول ولا قوة الا بالله
وتالت يوم وهما اعدين في نفس المكان مرت جنازة فنفس الشخص سال بيقول للتاني هي جنازة مين دي يا محمد؟ فرد عليه دي جنازة الشيخ محروس فرد عليه هي الدنيا ملطشة معاه كدة لية
*******************
البوليس عمل كبسة على شوية شمامين و لفت نظره ان فيهم عيل صغير قوي واخد ركن لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا باشا.
***********************
قابلت مذيعة اثنان مساطيل
سالت الاول : مصر بالنسبالك ايه ؟
فقال: مصر دى امى.
ثم سالت الثانى :وانت مصر بالنسبالك ايه؟
قال:مأدرش اتكلم عن أم واحد صحبى
*******************
واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى
رد عليه واحد من اللى قاعدين قاله صح انا قابلت نفس الاسد ضربته بالقلم ايدى اتبلت
*****************
مره واحد بيقول لواحد صاحبه اسكت مش انا حماتى ماتت امبارح
قاله لا حول و لا قوة الا بالله يا رب ماتت ازاى الست دى
قاله وانا واقف معاها فى البلكونه وقعت من الدور الخامس
قاله لا حول ولا قوة الا بالله يا رب دى موته وحشه قوى
قاله لا ماهى ماوقعتش على الارض قاله
امال ماتت ازاى قاله وقعت على سلك الكهرباء
قاله يا ساتر يارب دى موته وحشه قوى ماتت من الكهرباء طبعا
قاله لا يا عم ماهى الكهرباء كانت مقطوعه
قاله امال ماتت ازاى بس
قاله اصل السلك نطرها فى حمام السباحة
قاله لا اله الا الله ماتت غرقانه
قاله بس يا عم اعوز بالله ماهو اول ما نزلت فى الميه الطشه رفعتها على منط الحمام وطلعت عندى فى البلكونه تانى
قاله امال انت بتقول ماتت ازاى
قاله اصلى لما زهقت قمت خانقها
*****************************
مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن وفي يوم راح الشغل ونسي المفتاح. مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحة كنت كل ماخونك أحط بيضة في الدولاب
الست قالت عشرين سنه جواز ومرتين بس مش مهم وسالته طب والعشرين الف جنيه
قالها كنت كل ماجمع كرتونه ابيعها خخخخخخخخخخخخخخخخخ ريتو يضرب
***************************
واحد ضابط مظلات امه حلمها ما بيخيبش. كان عنده عرض أمام
الوزير ...قالتله بلاش تنط عشان أنا حلمت ان البراشوت مش هيفتح.
المهم جه ينط ... خاف وافتكر
فزميله سأله أيه الحكاية؟؟ فلما قاله رد عليه زميله ...ولا يهمك خذالبراشوت بتاعي وهات البراشوت بتاعك. نط صاحبنا وفتح البراشوات ..أتفتح معاه شوية ولقى زميله نارل بسرعة وبيصرخ .
الله يخرب بيت أمـــــــــــــــك
****************************
اتنين مساطيل قاعدين في استاد القاهرة ، واحد بيقول للتاني
تقدر تلفلي الملعب
ده في اد ايه ؟
التاني : الفهولك في سجارتين ...........ههههههههههههههههه ....
_________________ | |
|
yasoo
New Friend
عدد الرسائل : 3
العمر : 33
تاريخ التسجيل : 16/07/2008
| | موضوع: رد: نكت تموت من الضحك الجمعة يوليو 18, 2008 4:26 pm | |
| تحفه اوى  | |
|
احمد شعبان
New Friend
عدد الرسائل : 8
العمر : 44
تاريخ التسجيل : 31/08/2008
| | موضوع: رد: نكت تموت من الضحك الأحد أغسطس 31, 2008 7:28 pm | |
| هههههههههههههههه انا هموت من كتر الضحك | |
|
valanteno
Admin
عدد الرسائل : 213
تاريخ التسجيل : 07/06/2008
| | موضوع: رد: نكت تموت من الضحك الإثنين سبتمبر 01, 2008 3:53 pm | |
| لا اضحك بس بلاش تموت احنا عاوزينك | |
|
